Бірінші әдіс: Аз-аздан оқу
Луизан университетінің зерттеушілері айтады: жаңа материалды оқығанда 50 минуттан асырмау керек. Бұған Помодоро әдісі ең дәл келеді. 25 минут оқисың, 5 минут демаласың.
Программистерді осылай зерттеп көрген екен. Нәтижесінде Помодоро әдісін қолданғандар жақсы нәтиже көрсеткен.
Екінші әдіс: аз-аздан, бірақ жиі
Ақпаратты аз-аздан, жиі оқып, миға қабылдасаң, нәтижесі керемет. Бірден бүкіл материалды сіңіріп алудан әлдеқайда жақсы.
Үшінші әдіс: Қолмен конспект жазу
Принстон және Калифорния университетінің зерттеушілері конспектіні қолмен жазатын студенттердің ойлау жүйесі, ақпаратты талдауы, тыңдай білуі өзгелерден артық екенін байқаған.
Төртінші әдіс: Біреуді оқыту
Вашингтон университетінің ғалымдары мына нәрсені анықтапты. Егер студентке оқыған материалын біреуге үйретесің десе, онда ол үлкен материалдың ең қажеттілерін теріп ала алады екен.
Бесінші әдіс: арасында ұйықтап ал
Сабақтан кейін ұйықтап алып, сосын дайындалу деген жақсы тәжірибе. Ал екі сабақтың арасында ұйықтап алсаң, тіптен жақсы!
App Store
Google Play